【七宗罪 之四】(成人及性愛情節)
M看來已經80多歲了，不過她依然很喜歡感受性愛歡愉。因為壯健的日子，她只著眼賺錢營生，好像沒有活過享受過生命一般。如今，財富充裕，有近1億美元身家，卻欠缺枕邊人。反正天年將至，無兒無女，有錢無所用，與其財富陪葬，倒不如用錢買性愛。「明買明賣，沒有什麼問題？」所以，每月她也會抽幾天時間，找些男伴共度一宵。
過了多年嫖娼生活的她，最近迷上一位20歲的韓藉男生，同樣是一位牛郎。這位愛人相當健碩，樣子也很俊俏，韓國明星一般。M完全為他著迷，如果愛人要她去死，M也似乎會義無反顧的。現在，她幾乎每天晚上，也要付款去見這位男生；可是，她從未得到過他。
「M姐姐，我知道你好有錢，我都知你好鐘意我... 我好感謝你... 但係呢，我真係... 真係... 無反應呀... 你要明白，畢竟你... 全身都係一層又一層嘅摺紋，見到，難少少有反應...嘛...」韓男說。
「如果我樣靚啲，後生啲，你係咪就會愛我同我做？」M忍住心中不忿，開口說。
韓男點點頭，「是的。但時光不能倒來嘛...」
M回到家中，找來友好醫生。醫生告訴她，認識有一位為世人排斥的極端整容醫生，有技術可以換皮，不過代價不菲。M千方百計，終找來這位醫生，求他幫忙。
「我嘅做法，唔係傳統嘅拉皮，而係換皮。搵一位年輕女仕，將你同佢嘅皮交換過來。過後，佢嘅樣貌會變左老人，你就會後生。所以你比嘅錢，係比佢補償嘅。呢到有一位女士Liza，20歲，樣子甜美，因為佢要錢，所以願意換樣，一口價，4000萬美金換樣貌，你做，定唔做？」醫生指著遠方的妙齡少女Liza說。
Liza看上去，眼大臉尖，幼弱白滑，完全是個二八年華的美人胚子。
「我做，唔使諗。」M幾乎接著說。
「好，你星期三黎做手術，錢，當日比，4000萬美金，只換臉部。一言為定。」
成功換了臉部後，M變了Liza的樣子，Liza變了M的臉貌。由於Liza原本也是個美人兒，M很滿意。再去找韓男，並告訴他換臉的詳情。這次韓男看到Liza臉蛋的M，覺得很稱心，決定跟M回家。
M急不及待，要韓男抱自己入睡房。正當脫下衣服之際，「x！乜咁y核突㗎！你個樣咁靚，你個身同手腳幾十摺嘅？我真係唔得... sorry。」韓男拋下M，衝出房去。
留下的M，獨自一人飲泣。回過神來，拿起電話，打給醫生。「醫生，我想換埋身上的皮膚... Liza肯唔肯？幾錢？」
醫生來回打了幾個電話，回覆M，要6000萬美元。這次換皮，將要用盡M所有的財富。不過，M沒有反對，即時同意。賣了物業後，付上支票，約好換皮的時間。
一周後M與Liza再到醫院，進行換皮。三十小時的手術，全身所有皮膚，都交換過來。手術順利，兩人平安。
經過一個月，M與Liza都已經完全康復，可以出院。出院前，醫生千叮萬囑M，「嗱，你係做左換皮手術，全個人都變左Liza嘅樣；但入面嘅一切，都無變，都係老嘢黎，一樣有病痛。你唔可以當自己係20歲咁運動㗎。另外，你嘅皮係換返黎，入面啲供水保濕始終差少少，唔好長期係太陽下面曬，曬得勁，會好快變返老，變返一層層裂紋㗎。」
M連聲知道。醫生再對Liza說：「你呢，換左個80歲嘅皮膚，所以都要注意保濕，唔係好多皮膚病。一間過黎拎支票啦…」變成了M樣子的Liza，亦點頭，表示知道了。
出了門，M第一件事，就是去找韓男。韓男這次看到M，知道由頭到腳，都從老年皮膚換上Liza 20歲的白滑肌膚，即時有反應；M也因飢渴得太久，馬上拉了韓男入酒吧廁所，狂野地進行魚水之歡。
這天以後，M跟韓男過著拍拖般的情侶生活，當然，M要付費的。一晚，M送了一隻名錶給韓男；韓男見沒什麼可以回禮，便在枱上拿起啤酒瓶，撕下瓶上之牌子貼紙，摺成一隻小小的紙鷂，隨手送給M。
持續三個多月，M每天也找韓男。可是，今時不同往日，M已經不是富貴人家，如今身無分文的她，要付費去嫖娼，其實消費相當吃力。不過，她依然希望與韓男在一起。這天，買了蛋糕，希望與他一同渡過第100天記念日。
推開酒吧的門，她看見韓男，陪伴著換了皮的Liza。「點解你係到？」M一面迷惑的問Liza。
「我呢個樣，唔黎嫖，邊有人要？呀婆，我同你換左皮姐，我內心仲係20歲㗎...你呢個樣果時自己都嫖，你問我做乜黎？你傻左呀！而且我而家有錢，要邊個都得。」Liza開口，的確令M無法反駁。
面前這位Liza，那一層層的摺紋，正是M最熟悉，又最想擺脫的。可是，Liza又剛好揀選了韓男，要這晚陪她。
「你唔好接佢呢個客啦… 今日係我地100日... 可唔可以陪我？你唔好再接客啦，我地以後一齊生活，好無？佢唔啱你㗎，再講丫，佢呢個樣，你都無反應啦，係咪？」M對著韓男，哀求著。
「我知道你鐘意我，我都鐘意你呢個樣。Well，我地都開心丫。不過，3個月㗎喇，我睇得好清楚，你無錢喇… 係，你而家有外表，但無錢嘛？同過你一齊，我先知有得揀，應該揀錢。咁我而家梗係揀錢啦。」韓男推開M，走向Liza面前，「Hi，你好。我服務好好㗎，而且...我仲好體貼，好持久添...試唔試下？」
M什麼都說不出口，離開了酒吧。
再過兩個月，M經已山窮水盡。這天，在出門取政府救濟時，撞到韓男。他拉著Liza的手，走進名店，就在店門前，三人對望了一眼。韓男先開口：「M，你係到拎救濟？好在果時無跟你。喂，唔係喎，你係熟客，唔好話我唔幫你。嗱，其實你而家呢個樣，無人知你已經80歲㗎嘛... 你個樣又咁靚，20歲外表同身材，你又咁鐘意做...，有無諗過出黎做妓女？」
M聽到，呆了一呆，最起碼她怎也想不到，韓男會說這樣的話。
韓男繼續說：「唔係呀，認真諗下啦。你都80歲啦，乜都無所謂啦其實。但你個外表先20歲，一定大把生意。呃下啲麻甩佬都好丫？等佢地以為搞左個美女，其實係個80歲呀婆，哈哈，一來罰下佢地，二來你有錢，三來你仲可以滿足你... 果啲慾望。係喎，仲有仲有，仲有第四，我知你憎Liza拎晒你啲錢，仲有搶左我，但你明啦，我搵食，邊個比到錢買我，就跟邊個，明買明賣，你教我㗎！嗱，你出黎做，其實就即係用Liza個外表出黎做，你咁憎佢，當報復都好丫，等個個麻甩佬都以為搞過佢都好丫！係咪？」
這個報仇論，雖然無稽，但M已經失去原有理智，聽到報仇，便認為有理。「好，我就用你個八婆嘅皮囊去做妓女，等你比唔同麻甩佬搞！」
就這樣，M做了妓女。由於樣子甜美，生意很不錯，她也不揀擇，有時更去拍AV小電影，有點名氣，總算可以維生。
半年後的一天，有一位中年男士按鐘，希望嫖妓。這位男士，希望M可以跟他去戶外交易，並且加入少許性虐原素。談了很久，本來M不願意，但聽到「性虐」二字，便覺得算是報復Liza的皮囊。再者，反正80年來自己也未試過玩性虐，有膽一試。所以，最終開了一個很高的價錢，便跟了中年男子上車出發。
車子一直開，開至沙漠中央。中年男子停下車，對M說：「除衫啦，除干淨，底褲都除埋，只係著住你原本嘅白襪仔，就ok。」
M寬衣後，走到車外。男子繼續說：「wow，你樣靚不特止，身材仲咁好，又白又滑，個胸又好睇...」突然，中年男子拿出手扣，鎖住M的左手，而另一邊手扣，則鎖住自己的右手。
M除了小白襪之外，一絲不掛，現在左手又鎖住中年男子的右手，十分徬徨。「你係差佬放蛇？」
「哈哈哈，唔係呀…，你無睇報紙？最近咁多鳳姐失蹤，你唔知？well，我做㗎，29個，無人拉到我，我係咪好叻？今日，你係第30個。放心，我用槍嘅，呢到無刀，唔會肢解你，你實留到全屍。」男子說。
M意外到不得了，不過，又說不上害怕。
畢竟，這個20歲少女的皮囊下，是個80歲老婦人。以M的情況，自己都不知何時病死，如今遇上連環殺手，只是加速去世而已，談不上有什麼好驚恐。
不過，在中年男子眼中，卻極其意外。面前這位20歲全裸美少女，對自己將死一事，不但不害怕，還有點「哦」一般的平靜反應，「你唔驚咩？殺你喎一間？」
M沒有什麼反應，「咁殺我之前，仲使唔使做？」
中年男子被這樣的一問，反而不懂回答。「哦，咁... 唔使... 呀，都係做啦...」
M跪在地上，拉開男子的褲頭，張開口親近上去。男子正要閉眼享受，M的右手，從男子的褲襠移開，直接伸入他的褲袋，一抽，就抽出了男子的小鎖匙包。
小鎖匙包內只有兩條鎖匙，分別是車匙及手扣的解鎖匙。
中年男子這時知道，M不是真心想在死前提供服務。於是，拿槍指著M的頭，「你想做咩，以為咁就唔使死？」
M很平靜，「我做左幾十年人，預左有一日會死。不過，今日係死之前，都想做d事，例如，搞掂一個殺人兇手，等佢唔使再害人。」說罷，M馬上把小鎖匙包吞下肚。
中年男子亦在此時，對著M的頭開了一槍。「你老闆丫，我都唔知你做緊乜，白痴妹... 丫... 大鑊！」
中年男子這時才發現，車匙在M的肚內，沒有車，在沙漠之中，只能用步行的方法，走回城市。不單如此，自己的右手正扣著屍體的左手，也就是說，如果要走路回去，要抱著這條裸屍，走過122km的沙漠，根本不可能。這時，他才明白，M所說的話。
「死八婆，我就唔信你困得住我。但係我又唔可以報警叫人救我... 頂，行咪行囉，抱起你條屍行囉… 122km，行一日多d返到市區啦... 沙漠又點... 呀！頂！點返去呀而家！頂！點抱你條死人屍行呀！行咁慢我曬死啦！刀刀刀，刀係邊，頂！我無刀呀！」中年男子好像瘋了般叫了出來。
三日後，警方在沙漠中間，發現了兩條屍體。男性40歲，右手鎖上手扣，手扣另一端則鎖上一具全裸女性屍體，頭部有槍傷。
法醫到場：「死者死左3日，但係奇怪喇，點解條女屍，D皮乾得咁快？一層一層摺紋咁，正常屍體係沙漠中間，曬三日唔會咁喎...」
此時，一位警員跑來：「呀頭，前面10公里，發現左一架無人嘅車，車附近埋左好多女屍呀，快啲過去睇下丫！」
搜證警員聽到後：「得啦，一間過黎，應該都係有關㗎喇。呢單嘢真係好怪，女屍全裸，只係著左白襪。白襪入面，收埋左一個小布袋，小布袋之中，仲有隻用啤酒紙摺成嘅紙鷂。咩事呀，邊有人好似寶物咁，收埋呢d垃圾㗎......」
【七宗罪 之 淫慾】
Search